一週短評

成個星期無寫網誌添。放假個幾日都好忙，忙住執野同拆野。由於新房的傢俬下星期送黎，為左有時間油新油，所以趁放假同爸爸拆左張床同書枱，咁就搞左成個假期，仲忙過返工！

個人自問d物品都好少，個執執下都好幾袋，個幾棟書都唔知第時仲有無位放…另外就係成袋女友送俾我的「小手工」，真有雞肋之感….. 而家間房變成家徒四壁，得番張床褥…

尋日仲去埋book機票，八月頭飛羅馬，過返個羅馬假期~咁樣D錢就洗得七七八八啦，都要繼續放下D股票周轉下先得！仲要睇實個匯率添。

為左要洗錢，所以上週按計劃於$2.99放晒2722重慶機電，到今日其仍在附近上落，未能真正突破$3。會對它繼續觀察，畢竟重慶的發展仍屬正面，只是要多加留意公司應付原材料成本的成效。

另833華訊則乘消息炒上，高見$3.1X，但連續兩日回落，今日低見$2.92。但由於成交仍低，不足為懼，繼續持有至等錢駛之時。佢越係唔上，越覺得上望空間大。

970耀萊上週爆上後出現整固，在我的家鄉位上落，目標相信是破$1.6，繼續觀望並恃機減持。

觀望的股票有不少，但可供購買的現金不多，相信會錯過黎緊大市突破的時機，無計，人生大事更為重要。因此相信近幾個月不會有太多買賣了…. 但仍想將數字供諸同好，讓有緣人自己參透：189、371、567、590、448、256、515、450、1171、1157

當然，投資/投機涉及風險，盈虧自負。