10月操作簡報

好耐無update個blog了，相信d塵都成吋厚！

咁忙都主要是公司太忙，有個大型周年晚會搞，兼要出本特刊，寫野對稿頭都暈啦，所以都無時間同心機寫野，每日都好趕咁快讀各blog友的文章同睇睇個市場。有時跌到咁都無咩心機睇，反而可以專心搞完個晚宴。

由於無時間睇市，無時間研究個股，所以十月份主要是做個投機賭徒，炒賣牛熊證過活，總算有些徵利。由於無咩經驗，都是睇睇goldone兄的評論，自己再小注試試。的確，要自己去試才能真正了解該工具的特性，經驗比賺到的錢更重要。投機過程中學會兩點：
1. 注碼控制，不是想賺多少，而是先想想自己蝕唔蝕得起這筆資金，因為的確有可能一個打把就無晒。君不見近日屠熊之慘烈。所以，注碼按制很重要，因為牛熊證的賺蝕是可以很誇張的。如自己買了隻貼價騰訊熊，目的是買保險對沖市況，一日後開市就打把了，無仇報。如果是大注博入，肯定直入青山。
2. 適時收割，由於市況非常波動，今日升幾百，明天跌一千，隨時由賺變蝕。所以下注時亦要訂下目標位，到價即走，那怕往後再升，還是保險一點。如買入一隻恆指牛，過夜後已大升50%，與自己的目標接近，便沽出。誰知愈升愈有，以升一倍收市......但凡是不要太盡，留點餘地總是好的。

自己牛熊證還是初哥，但不會以此為主力，正股還是最好的。以往一直不敢接觸這類投機工具，但其有本身的存在價值，在對沖、跌市中是好工具，利刀如何運用，視乎操刀者。

另近日亦買入少量正股追升市，包括中遠洋(1919)、中國龍工(3339)、 達進精電(515)、光大國際(165)，昨日已沽出1919、3339及之前買入的1164，微利。下週留意還有無沽出機會，在這種波動市中，還是不要對持股有太多感情，做住個衰男人先:P

超低能的yahoo

以下節錄自clcheung sir的yahoo blog：

去年開blog的時候胡亂輸入出生日期，以至我在yahoo的紀錄是只有2歲。yahoo的升級是要blog主年滿13歲。

於是想更改個人資料... 原來不可在網上更改...唯有send email叫佢幫手。

很快交換了數個email及回答了一堆問題，最後是這樣的：

關於您修改出生日期的問題，我們將於兩天內安排專人在辦公時間與您聯絡預約核證時間，請您再持身分證至雅虎香港客戶服務部申請並進行身份核實。 

I tell them:

Forget about it. I think it is easier to move the blog to other site.
Your service is excellent ! hahaha.
== and they reply:
我們十分高興得到您的讚賞。我們會繼續努力， 以致可以提供更好的服務給每一個用戶。

---------------------------------------
黎排忙到無時間寫blog，只能夜晚快睇下別人的blog。但見到黎個內容，真係忍唔住要打幾隻字。咁大個yahoo，做到咁低b，唔怪得d客越黎越少，完全鬥唔過Google啦。佢地只識潮留興咩就做咩，知識+、yahoo blog、拍賣、而家仲有團購，但下場係點相信大家有目共睹。難怪CEO都換埋，留下個亂局。馬雲就唔好收購佢啦，只是買多個負累上身。睇黎yahoo只會慢慢俾時代的巨輪輾平......