一週股市 — 突破向上

本週市況良好，一週升近600點。已連續3星期向上，更大成交突破下降軌，形成一浪高於一浪，大市更對歐債、地震、加息等無負面反應，反映市況良好，戒心下降。

現處位置比較尷尬

本週亦開始有買賣。昨日按計劃於$2.83減持一半2722，並換馬至833@$2.62。原因是2722雖開始轉勢，今日亦已升近$3，幾份報紙今日亦開始吹谷，但估計市盈率暫不會多過15倍，原材料成本上升的問題及十二五規劃暫不是大炒主題，均會影響其升勢，故減持轉入值博率高些的股票。今日見2722於$3亦大把貨壓住，是重大心理關口，突破需時，下週看市況睇下能否於$3邊走晒佢，等回調再黎過。

至於點解會選833換入呢？因為見$2.6位跌不穿，成交亦不大，不似沽貨，故set好個價試下入唔入到。今日的股價已反彈，好險~其實此股不宜多講，好野自己收埋就得啦。貨乾、高位整固、業績好、憧憬轉營環保，所以都係買定一手等佢炒。

至於其他持股則不值一提，並非焦點，升咁多日都無佢地份......在無錢情況下眼白白睇住煤、水泥、零售、太陽能等炒到飛起，所以控制注碼是今次最深的體驗。無論如何睇好，都唔好落重注於單一股票，以及重視止蝕止賺的紀律，股票市場無僥幸。