大市係咁跌，但消息了無新意，只是等待大眾一致看淡後才會反彈。個人仍抱樂觀看法，只是警覺要提高，不能再像之前單邊市，不停gogogog。適當獲利起碼保往利潤，待大市確立單邊市時才長揸亦未遲。要學會利用散戶轉身快的優勢，不要想賺到盡，達標要止賺或減持。就算燈了，返兜又如何？
近排手風在風聲鶴唳中算是不俗，繼短炒一日華訊(833)後，換馬利信達(738)亦很好，昨日及今日分別在$4.41及$4.49各沽出一半止賺，已有13%利潤，夠俾一圍酒席了！幫輕不少。之前講過想做一做738的分析，但因婚事忙碌，未做分析已賣出，留待得閒少少再做啦。反正不少博客都已強推此股，大家睇佢地分析都可以了~
當然，此股得老占推介小弟買入，所以真多謝佢送咁大份禮俾我，呵呵~自己訂其目標已到，加上連升4日，成交爆多，不知會有回吐還是再爆過呢？自已在這種市況始終有點戒心，或許，我會錯過佢之後的飛升，但今鋪我的確賺得開心，已足夠啦！
昨日賣出一半後順利買入4000股189@7.76，燈晒！今日又有錢剩，又要睇下掛唔掛到另一隻股啦~
婚事繁忙，未能每日更新，見請見諒。
補記：下午又唔知係好彩定唔好彩，一開市就於$13.58入在2000股中國建材(3323)，一度跌穿$13.50，好彩之後彈返上去。見個市咁，又諗住掛個低價食和牛，可惜食唔到...跌市總令人又驚又喜，唔知你又係邊種呢？
沒有留言:
張貼留言